Comunicado da ORA-NH. Vídeo íntegro

Reproduzíamos ontem na íntegra, o comunicado emitido pola ORA-NH. (Organizaçom Revolucionária Armada pola Nossa Hora). Hoje, o Buril tem a honra de disponibilizar, em exclussiva, o vídeo íntegro que a ORA-NH fixo chegar ao nosso conselho de redacçom. Avante com a hora galega!

Comunicado da ORA-NH

Acabamos de receber um comunicado de última hora da ORA-NH (Organizaçom Revolucionária Armada pola Nossa Hora), que achamos de grande interesse. É por isso que a seguir apresentamos este comunicado para que poda chegar a toda a populaçom burelá.

COMUNICADO DA ORA-NH

A ORA-NH (Organizaçom Revolucionária Armada pola Nossa Hora) quer informar ao povo de Burela da sua decissom de abandonar a clandestinidade para reunir o maior número de apoios entre @s noss@s compatriotas.

A ORA-NH nascia por estas datas hai agora 13 anos. O motivo da nossa luita era e é claro: a integraçom do nosso País (Burela) no fuso horário que geograficamente nos corresponde (umha hora menos que em El Pardo), considerando que os benefícios económicos, sociais, sexuais, lúdicos,... seriam de suficiente transcendência como para que a nossa luita fosse a morte.

Para surpresa de própri@s e estranh@s um grupo de intrépid@s jovens decidimos botar-nos ao monte (Castelo) e começar a luita armada para a integraçom de Burela no fuso horário que lhe corresponde (GMT/UTC=0, umha hora menos que em Recoletos). Decidimos que a nossa primeira acçom armada fosse a boicotagem da celebraçom da passagem do ano pola hora espanhola, que habitualmente se celebra no nosso povo. Para levar a cabo esta acçom decidimos deixar sem subministro eléctrico à vila de Burela durante umha hora (desde as 23:30 até as 00:30 pola hora espanhola) para assim obrigar as/aos burelas/aos a celebrar a passagem de ano pola hora que naturalmente nos corresponde. Porem, o nosso manual de El guerrillero en casa foi muito efectivo, e o excesso na mistura de quantidades (fazer bombas nom é o mesmo que fazer tartes) fixo que o artefacto explosivo nos levasse a deixar sem subministro eléctrico a Burela durante mais tempo do que desejávamos, assim que nem hora espanhola nem hora burelá!

A nossa inexperiência com a utilizaçom de armas levou-nos a um profundo período de reflexom no seo da Organizaçom que desembocou na decissom de declarar um cessar-fogo permanente e a de informar ao Concelho do lugar onde se topava o nosso arsenal militar (Estamos pendentes de que vaiam os de Protecçom Civil recolher os explosivos, bazookas e rifles).

A nossa inoperância no nível militar levou-nos a procurar um campo no que nos pudéssemos movimentar de forma mais audaz, algo no que certamente fôssemos espertos. A conclussom foi unânime: A Festa!

Por isso, para o próximo 31 de Dezembro queremos manifestar o nosso total apoio à festa que se celebrará no PUB TIRAMILLAS na qual temos conhecimento de que se celebrará a passagem do ano pola nossa hora legítima (umha hora menos que no pequeno-império). Aguardamos que esta festa conte com grande acolhida. Se a assistência nom for massiva nom descartamos voltar às armas como método de conscienciaçom do povo. Se nom é com festas será com cloratita!

Em Burela, as uvas pola nossa hora!

Denantes mort@s que adiantad@s!

Galiza célibe!

Poder Copular!

As uvas à nossa hora

Cansad@ de comer as uvas numha outra hora? Gostavas de celebrar a passagem do ano na tua hora?

Nom faltes e vem às 00:00 horas (1:00 hora pequeno-imperial) do 1 de Janeiro, ao pub Tira Millas de Burela. Assite à emissom ao vivo das badaladas desde a igreja de Burela com convidados supresa e disfruta com a boa música!

Com o apoio de Sei o que nos figestes... nos úlitmos 525 anos

Jornadas sobre os movimentos sociais e luitas populares na Marinha

No próximo fim-de-semana decorrerám em Burela umhas Jornadas sob a legenda: Referentes para a Mocidade, Movimentos sociais e luitas populares na Marinha, organizadas pola Comissom de Organizaçons Juvenís de Burela, com o seguinte programa de palestras:

Sexta-feira, 3 de Outubro, 20 horas:
· Jove Nuclear Nom!
Francisco Luís R. Guerreiro, (Assoc. cultural Sementeira)
· O Cason: A resposta operária
Antón Casal, (Comité de Empresa)

Sábado, 4 de Outubro, 19:30 horas:
· 25 anos do Buril: os começos do associacionismo em Burela.
Bernardo Penabade, Inma Orol, Emilio Legazpi, Xosé Manuel Nebril, (ex-directiv@s do Buril)


Já à noite haverá umha ceia de homenagem aos 25 anos do Colectivo Cultural Buril

Festival Pataca 2008

O próximo sábado, 13 de setembro, terá lugar en Burela, o Festival Pataca 2008.

Podedes ver o cartaz do festival e o programa na seguinte ligazón:


FESTIVAL PATACA 08

O Buril nos méios

Distintos meios de comunicaçom noticiarom as actividades que o Buril organizou para al Letras Galegas deste ano. Entre eles, as ediçons comarcais dos jornais El Progreso e La Voz de Galicia, derom notícia do mural que pintamos o 17. Alias, El Progreso, publica umha entrevista com o presidente do Buril, José Banho.
O 23 de Maio, também derom mostra do mural realizado, tanto El Progreso (página 4), como o Portal Galego da Língua, onde elogiam o nosso trabalho em favor do reintegracionismo.

O Buril com as Letras

O C.C. Buril realizou um mural no dia das Letras Galegas com a legenda Temos umha língua mundial e com um desenho no que aparecem a bandeira galega e as bandeiras da CPLP (Comunidade dos Países de Língua Portuguesa). Com esta iniciativa queremos reivindicar a condiçom internacional do galego e um espaço próprio dentro da lusofonia.

Para além disto, o Buril também aderiu ao manifesto "A Nossa língua é internacional", assinado pola AGAL (Associaçom Galega da Língua) e ao manifesto "Polo dereito a vivirmos en galego", assinado pola Mesa pola Normalización linguística, ambos feitos públicos com motivo do 17 de maio.

Festival Pataca 2008 e Festival Patacas Novas 2008

O C.C. Buril está a organizar dous festivais musicais, grastronómicos e lúdicos en Burela para este ano 2008.

Con este motivo, Buril convoca un concurso para escoller os deseños que aparecerán nos cartaces dos festivais.

Podedes descargar as bases nos links que están a seguir.
Para calquera dúbida enviade un mail a: ccburil@gmail.com

Forza e moita sorte a tod@s!


Concurso cartaz Festival Pataca 2008.doc

Concurso cartaz Festival Patacas Novas 2008.doc